Lagu Pengamen Punya
Posted by Happy Nurafni on Wednesday, October 24, 2012
Paling penak dadi penumpang
lungguh jegang ra ana sing nglarang
ra penake dadi penumpang
BBM mundak mbayare larang
mbayare larang ora oleh utang
paling penak dadi kuli watu
bayarane pendak dina setu
ra penake dadi kuli watu
barang bayaran, mandore mlayu
mandore mlayu dibalang watu
lemah garing lemah teles
yen paring sing Kuasa sing mbales
lemah garing lemah teles
yen ra paring sing ngamen lemes
yen sida paring ra sida lemes
pitik angkrem selikur dina
yen netes ora mesti pada
ora beda karo menungsa
ana sing becik ana sing ala
ana sing cethil ana sing luma
tanda-tandane wong cethil
ngamal wae ya ora tau
ibarate weruh pengamen
weruh pengamen ethok-ethok turu
ethok-ethok turu karo ngempet ngguyu
juminten anake lima
cekap semanten atur kula
niki lagu sing ngarang kula
menowo lepat nyuwun ngapura
nyuwun ngapura kalih nyuwun artha...